黃家駒先生逝世二十六週年

245141525

真正留喺心裏面嘅
從來都唔需要諗起
因為根本唔會忘記

家駒把聲，我眯埋眼都記得
BEYOND 嘅歌，我發開口夢都識調轉背

本來個腦一片空白，無咩嘢想講，因為無幾耐之前，我地嘅屋企發生咗好多事，面對住荒謬嘅社會，面對住歪曲的制度，的確有啲心灰意冷，但靠住大家嘅團結，原來仲可以見到一絲希望；忽然間好想佢喺度，佢一定會有好多嘢想講，一定會繼續用音樂表達不滿、批判不公，一定會繼續畀大家信念，一定會一齊守護住呢度，佢講過：“無論去到幾遠幾遠，最後都會返嚟呢度”，就係因為呢度係我地屋企。

黃家駒先生視野廣闊，宏觀，而且博愛，對音樂嘅堅持同執著，其影響力已經超越咗佢自己本身，我對佢嘅尊敬同崇拜，毋庸置疑。

對一啲人嚟講，可能係一種情懷，但對我嚟講，已經係一份信仰。

感謝黃家駒先生，為香港寫下過精彩嘅一頁！
感謝黃家駒先生，用生命影響生命！
感謝黃家駒先生，喺我生命中出現過！

黃家駒先生逝世二十六週年


你我充滿夢想 追蹤心裡所愛
彼此嘲笑自己 誰人和我共鳴
總不相信自己 今天失去感覺
始終總覺陌生 何時才有共鳴
全是愛 到那裡也聽到愛的呼叫
全是愛 這世界以愛去逃避痛楚
全是愛 這世界以愛去忘掉記憶


我地相信我地自己做嘅每一樣嘢都係正確嘅，所以我地唔怕任何人對我地嘅任何評語，又或者任何攻擊！
—— 偉大音樂家 - 黃家駒先生

小瑟

早呀祺哥，每年呢個時候的確好懷念家駒，岩岩聽903雲尼做緊家駒PlayList,  好正好正。

岩岩同老婆講如果佢冇死會點，佢話如果佢冇死，就成唔到傳奇，我都認同，不過如果佢冇去，我地會多好多好歌聽。

mankoo米高

小瑟 發表於 2019-6-30 09:28
早呀祺哥，每年呢個時候的確好懷念家駒，岩岩聽903雲尼做緊家駒PlayList,  好正好正。

岩岩同老婆講如果佢 ...

時間過得好快轉眼間就26年，真的很懷念?

小瑟

mankoo米高 發表於 2019-6-30 10:53
時間過得好快轉眼間就26年，真的很懷念?

係囉，依家好似睇返D野，時間過得好快呢。咁就26年。

HD_2

如果佢冇死 就会远离搖滾 從来都唔算搖滾

tinlunlau

我好細個時見過黃家駒本人，當時beyond同劉美君來到加拿大多倫多開演唱會。嗰時由於太細唔識欣賞，依家大個咗先覺得佢啲歌好正。亦可以慶幸承認自己睇過佢現場表演。