比較三條入牆用電源線 (灰武士/Gigawatt/neotech 3160) (updated P.5）

ckw3031 · 發表於 2012-2-12 17:31

我有ROYAL II 條POWER CORD，英式13A頭。可唔可以用呢條試? 同BULK 線完全一樣，只不過頭尾都有插頭...
...
ppwong517 發表於 2012-2-12 16:06

今次測試全用六呎，如果得一兩呎，不能夠試線的表現。
如果師兄能惜出Royal II，先多謝先，但要將你條線改做美式，唔知介唔介意呢？

ckw3031 · 發表於 2012-2-12 17:34

3條你選邊條WIN呢?
KING 發表於 2012-2-12 16:38

三條價位不同，邊條win也沒意思，返而邊條用作入牆線或PB線較適合？

ckw3031 · 發表於 2012-2-12 17:38

本帖最後由 ckw3031 於 2012-2-12 23:08 編輯

首先，呢報告係比較各價位線材的強弱分別，及線材的特性，由於一分錢一分貨，價位低的線材，表現較弱也是正常，本報告並非想討論某品牌贏某品牌等，希望各位明白。

由於1及2已煲好，所以先作比較報告。1來自英國，價位在一百元之下，而2來自波蘭，價位在一百五元與兩百元之間。兩條線也用Wattgate 320及5266i頭尾作測試。

經比較後，喺音色上，1的音色較厚，但厚得呢有點濛感，音色有點像英國聲feel，高音有點噪，低音也較淋。而2的音色較清，有音樂感及自然，高音正常，中頻質感一般，低頻實淨有彈跳感。

喺力量方面，明顯地單支係比多股更好力、更好動態，聽感上2明顯較爽及更有起伏感。相對下1較斯文及柔和。

頻寬方面，呢樣我對1好失望，喺冇比較下已明顯聽得到1的高低頻寛較窄，高頻申延不足，低頻的下潛力也欠缺。相反2的表現喺呢方面就比到我驚喜，上下拉得好闊下，在散線中小見，高頻申延很多，低頻下潛力也好滿意，使整體音埸好開掦。

層次及深闊度，1的層次感好弱，分隔度一般，聲音較前，闊度不錯。而2的深闊度不錯，立體感好明顯。

總括來說，我覺得1用來行頭或入牆線是不太合適，1的速度及力量一定不能滿足高要求的玩家，反而用在一些薄聲的CDP就不錯。而2的表現我覺得幾滿意，各方面都正面，如果在中頻的質感再好一點就更好。而且線身不太硬不太粗，做入牆線也不太困難。