租碟業抗議版權費加至50%

Ken704

租碟業抗議版權費加至50%
【明報專訊】50多名影碟租賃店代表昨日遊行，抗議影片發行商逆市上調「租賃版」影碟版權費，4月尾起把費用由30%上漲至50至300%。租賃界指過去一年店舖已大減200多間。租賃界、發行商、商務及經濟發展局代表今日開會商討。

年減200店 促撤年費
新版權條例於去年4月生效，一年後再由業界磋商版權費。代表200間影碟租賃店的電影租賃業大聯盟發言人黃錦安表示，受金融海嘯影響，不少租賃店收入下跌三至五成，但代表發行商的香港影視發展基金（HKVDF）仍逆市加費，等如把他們逼上絕路，過去一年店舖數目已由逾500間減至約300間。

去年雙方同意收取1000元永久入會費，首年租賃版影碟的批發價較零售版高30％，以此作為版權費，其後再因應市場檢討。

租賃界稱，新一年的合約中加入600元年費，影碟版權費則升至50到300%。黃錦安批評，HKVDF「威脅」於本月25日起終止供應「租賃版」影碟予未簽約店舖。

他認為HKVDF應取消600元的年費、繼續供應影碟予所有店，而版權費應減至10至20%。據他了解，夢工場的影碟日後不會再有租賃版，即日起全港影碟租賃店均不會有夢工場影片出租，質疑有「陰乾」之嫌。

HKVDF副主席龔德民澄清，租賃版影碟入貨價去年由40元加至52元，他們調升版權費後，亦只是增至60元，以此計算升幅僅15%，不會有300%之多。他續稱，現時已有150間店簽新合約，如果供應租賃版予所有人，對已續約的租賃店不公平。

發行商﹕加幅僅15%
基金今日會提交不同數據，證明調查發現有租賃店購入租賃版影碟的數量「少得太緊要」，質疑有人持續侵權出租零售版影碟，故有加價需要。他強調，99%的影碟均有租賃版，夢工場的影碟不再有租賃版是因為片主不放租，對租賃界指控感莫名其妙。

Phoenix

今日看新聞都見到.
d影片發行商太可惡!!! 碟又賣得貴, 連租碟都貴埋, 不如去戲院看!!!!!
租碟看部分原因是去戲院看戲貴, 有些戲唔值得, 所以等租碟.

間接令到部分香港人繼續租vcd, BLU-RAY就有排都唔能夠普及, 價錢仍然好貴!

laiho

影片發行商就係想咁囉.....
租碟舖買套片返黎個個走租仲邊有人同發行買
依家個市咁差大環境已經咁難搵食
政府就唔應該踩多腳!

阿定

跟本一開始已經係想趕盡殺絕，我樓下間租碟鋪都無咩碟租，新碟比人租左都算，現在是無租賃版，租都無得租，局我單撈或買Blu-Ray

laiho

係呀~依家租都費事!
好鍾意既戲會買BD,其他download睇咗就算
發行以為加價唔出租賃版就局到d人買碟
其實係迫虎跳牆,越想賺我錢就越係一個仙都唔比你賺!

小瑟

跟本發行都唔想你租, 係咁架勒~~~~

狐滴hp2210

而家真係小咗好多租

aegysd

d影片發行商太可惡!!! 碟又賣得貴, 連租碟都貴埋, 不如去戲院看!!!!!

Phoenix 發表於 28-4-2009 09:16

影片發行商太可惡!!! 碟又賣得貴, 連租碟都貴埋, 不如去戲院看!!!!! X 2

haha161

越想賺我錢就越係一個仙都唔比你賺! X2

alzard

而家BR我租緊$20﹐再加我都或者會繼續。但太貴最多咪係外國訂﹐點都唔會買行版BR﹐咁鬼貴。