想問AK120配一千元耳機 or Note2配一萬元耳機好

chancheuklung

想問AK120配一千元耳機 or Note2配一萬元耳機,
兩個組合, 邊個配搭播出黎d聲會靚d, thx

zero981210

雖然音樂吾可能量化為簡單一個數字去代表，但係都要用你果套去解釋的話，結果可能係咁

先假設你果兩SET器材都夾到聲，
AK120應該可以令隻一千元耳機發揮到接近100%既威力，
相對黎講，就算你對耳機值十萬都好，都只能發揮到NOTE2既威力，甚至更差

你有1000毫升既水但得個10毫升既杯，同有10毫升既水但有個1000毫升既杯，邊一杯水會多D水其實有冇意思?

除非你講緊你有一萬多少少BUDGET，家陣考慮緊買AK121去夾手上隻一千蚊耳機，定係買隻萬元級耳機配手上用緊既NOTE2，咁都可能有得討論下

chancheuklung

zero981210 發表於 2013-6-1 12:37
雖然音樂吾可能量化為簡單一個數字去代表，但係都要用你果套去解釋的話，結果可能係咁

先假設你果兩SET器 ...

多謝詳盡嘅解釋,
咁假設兩者同等價值, 又邊個組合好d?

t1174

說真，只用價錢去衡量 Hi Fi 同音樂的價值，本來就是好幼稚同錯誤的行為。

h0200231

t1174 發表於 2013-6-1 14:50
說真，只用價錢去衡量 Hi Fi 同音樂的價值，本來就是好幼稚同錯誤的行為。

但現實係唔少人都用錢黎衡量音響既價值,如果唔係每年LA音響蘇就唔會咁多盲毛整D產品出黎擺博大霧

zero981210

chancheuklung 發表於 2013-6-1 13:26
多謝詳盡嘅解釋,
咁假設兩者同等價值, 又邊個組合好d?

你睇完我個回應，依然咁問，即係其實你吾明我講咩

你就好似問緊，A5和牛配樓下惠腔買既平價鹽，定係樓下惠腔買既平價牛肉配高級岩鹽，邊個好
家陣就問緊如果兩SET野同等價錢，邊個好D

就好似煮餸咁，你吾可能只睇材料價錢就評論碟餸好吾好食
你買 成萬蚊既蟹 同 成千蚊個既柿 夾埋黎食，一樣係會食到你胃痛腹痛
D器材/材料本身夾吾夾係同價錢完全零關係，玩HI-FI就係睇你識吾識夾野，好比你自身既廚藝高低，吾係咩都吾洗理吾洗識是但拎一百幾十個出黎買D貴野就一定好聲/好食

而另一方面，音樂仲要睇個人口味，以煮餸為例，你平時鍾意食濃味既野，比碟成萬蚊既頂級斎菜你你都未必識欣賞，可能仲會問點解肉絲都冇條DRY成咁
音響為例，你鍾意聽BASS，我比D人聲好聽既器材你試，你可能會覺得清淡無味，就以為佢 吾好聲

所以你問緊既 好聲 其實代表咩先?
代表器材可以完全重現番首歌既所有? 呢個應該係叫 高保真
定係器材產生既聲音好合你口味?
如果係的話更加吾可能只以價錢去分辨合吾合你個人口味

純粹去用價錢去定義器材，吾係追求緊 好聲，只係純粹追求緊 好貴，就算咁岩比你買到兩件貴野係夾既，你都未必真正明白佢地有幾好同好響邊

P.S.以上只係我一路以黎既領略，未必一定完全岩晒，但我自信呢D係入門級最基本點睇音響既大方向，如果有師兄覺得有錯、有修訂或者有補充，歡迎提出指教下

c.m.

zero981210 發表於 2013-6-1 19:18
你睇完我個回應，依然咁問，即係其實你吾明我講咩

你就好似問緊，A5和牛配樓下惠腔買既平價鹽，定係樓下 ...

認同+2

h0200231

簡單少少,若果呢個地球只有AK120配一千元耳機 or Note2配一萬元耳機兩個組合,我會揀 Note2配一萬元耳機,老實講我聽過AK100,感覺真係一般般,相信AK120唔會好過AK100好多

有意見者唔好揼我,我都係發表下意見咋

jamesj

非常同意zero981210師兄的意見，現今好多新手、後生只知牌子名氣或貴價等於好聲，完全不懂器材，線材之間的配搭，，同佢地講重笑返你轉頭，更什是買回來兩三日連煲都未煲好就話唔聽馬上放出。這些情況都係怪廣告或善稿害人，沒分析就真接吸收這些資訊。

countryboyhk

如果要攞出來曬既話,  NOTE2 + 一萬元耳機應該會好曬 D ... 相反, 如果你話比 FD 聽, 用萬幾蚊買部 MP3 (AK120), 一定比人話你 ON 居... 所以, 當你話比 FD 聽用 NOTE2 + 萬幾蚊耳機, 佢地一定話你夠型又識野 至於邊樣配搭先好聲 D, 我唸你都無所謂, 反正見你都唔會打算去試聽架 LA