今日有幸偷步試聽咗 PAC 兄嘅 Reference 5 {:9_430:}
Li 對喇叭, 可以話係一對十分之難玩嘅一對喇叭, 亦都可以話係一對玩味十足嘅喇叭 !
因為佢對器材非常敏感, 主人比咩佢, 就出咩嘢! 只要器材有少少配搭不宜, 就立即衰聱! 同埋佢低頻量好多, 一個不慎, 又立即 boom 都暈, 所以非常之富挑戰性
我地試咗好多首歌曲&音樂, 其間亦試過用不同嘅地盒 jumper 配搭去調節, 經過幾個鐘後, 終於搵到一個合識嘅 jumper 配搭
其間我地都討論過, 除咗換 jumper 仲可以有咩方法去解決 boom sound 問題呢? 就係換條銀量高嘅喇叭線, 但可惜喇叭線通常都冇得試, 買咗返黎又未必啱味, 風險都幾高! 當時我心諗, 而銀量多, 即係要幾多先啱呢? 收得緊個低音時, 髙音又會唔會太過快呢? Li 個時候, 小弟深深感受到地盒換Jumper 嘅好處了
Reference 5 同之前對 205 相比, 音場明顯闊咗好多, 特別係睇演唱會嘅時候, 猶如置身現場, 十分正 
人聲方面, 屬於明亮&偏幼一族, 高音伸延得好優美, 即使去到好高都唔會銡耳
低頻方面, 喺唔用地盒嘅情況下, 屬於肥大偏散一族, 用咗之後就變得收緊好多, 好有衝擊力而不過量
唯一不足係中低頻, 有某d 位會少少痴埋一舊, 不過只係小問題, 只要再煲鬆對喇叭, 問題便不藥而癒
有人話Reference 5 係AV 聲, 冇感情! 經過今日之後, 小弟敢講絕對係一個好大嘅誤會, 只係器材未有配搭得宜姐
最後, 由衷多謝PAC 兄嘅熱情款待, 希望PAC 兄盡快煲好對喇叭, 令音色再上一層樓, 謝謝!  |
[複製鏈接]
樓主
發表於 2015-4-3 21:35
，
