Game76 人事調動

阿定

為我們Game76搞活動，搞遊戲，搞三搞四的版主肥狗仔，由於今個暑假完結後就要正式出來殘酷的社會工作，步向有錢買Game，無時間打機的日子，所以已經正式辭任版主一職，雖然我地建議過佢可以好似阿定咁樣，空有版主之名，只係幫手處理下版務，不過佢堅持唔想虛有其名，咁我地唯有歡送佢啦，不過大家唔駛擔心，佢只係唔做版主而己，唔係離開76，而且佢未做版主之前，都一樣係咁幫手搞活動，寫Game評，我相信佢未來錢多左，一定會多左更加多專業Game評的，我地期待佢盡快於工作上，升上神台，唔駛點做，又有糧出，可以返來76幫手做版主

https://www.facebook.com/game76hk Game76 Facebook 係肥狗仔任內主打的產品，大家未Like的，就快d去Like啦，未來的日子，Game76 FB 更新會無以前咁快，因為一直以來，有90%的工作都係佢做的，大家可能以為版主無咩野做，其實後台有好多未必關Game區事的工作，事實上肥狗仔又或其他區的版主都有份參與76唔同區份的工作的，所以在此，我代表76整個團隊感謝肥狗仔的付出！

SonSon

多謝狗仔兄一直不辭勞苦不問收獲為post76無私奉獻，祝願日後前程似錦，有錢碟碟掃，game game打爆佢
(Post76 Android 手機版送出)

245141525

多謝狗仔～
等你回巢再殺過！

lawzelda

多謝狗ching给我们甘多猛料

ming226

多謝九哥

lkljason

辛苦曬！等你回巢！

原明

多謝版主！
盤滿砵滿！

jamesbond168

多謝肥狗仔c兄加分和帶給很多game的資訊！祝一帆風順！

teddyng637

多謝肥狗仔兄，好多 Game 嘅資訊比大家，無師奉獻，祝前途似錦！！

@肥狗仔@

本來唸住唔聲唔聲咁由版主變返做普通會員，然後當冇事咁繼續同大家吹水，你知76向來有球證落場踢波的風氣，大家慣咗喇，版主又好，普通會員又好都係人一個，我唔講，版友發現的時候分分鐘係幾年後。但當我早兩日知道定兄會特意打一篇通告黎"歡送"我哩條友仔，我就知道自己走唔甩喇，點都要略略解釋一吓。

其實今次的確只係一個恆常的人事調動，討論區係一個需要所有版友去維繫的平台，所以我好慶幸自己辭任版主嘅決定唔係因為Game76要摺埋XDD

Post76本身就係hi-fi導向的網站，當年我曾希望藉著自己微弱的力量加上比較充裕的空閒時間去將Post76電玩區做得有聲有色，之後一系列例如加分制度﹑ 十大遊戲選舉﹑ 精華索引﹑ 工具書﹑ 電玩活動採訪﹑ 改圖專區﹑ 近期熱話及最重要的Game76 facebook page都相繼加入了電玩區之中，在Game76成立之前本人亦早已有心理準備有關專頁起碼要經營3至4年才會有實際效果。無奈最近現實話我知一個新聞台播得最多的永遠都只會係兩岸三地的時事報導，還有國際大事及體育快訊，至於平時在東張西望上出現的娛樂新聞實在好難登上大台(除非你有疑似藝人性感圖片)。唸到哩點@肥狗仔@心中果團火已經燃燒殆盡。考慮到日後工作繁重，最後就如定兄所言在暑假開始之前便萌生去意。當然，勞師動眾多年，上述的"基礎設施"對於Game76的將來或者會有一定作用甚至仍然有待發展，只係本人已經唔想再喺版務上及Post76的其他崗位上繼續落去。雖然個人覺得純粹人事調動並唔會影響上述配套的功能及可塑性，但亦希望各位電玩區的版友見諒。

不過好事係@肥狗仔@終於回復"自由身"，變返兩三年前果個成日喺度洗版的麻煩友，在此循例都要重新介紹自己一次，請大家多多指教，亦感謝過去/現在/未來一直支持著哩個細區的所有機迷。