終於在大動脈鎅咗一刀，換來AK320(已加報告)，(更新)三日後再鎅多刀，入埋AK380 Amp

jan_ng2001

小弟一路用開電話V10，加Westone UM2RC及原裝3.5線聽歌，不過緊排有個朋友突然入手安記，借嚟一聽，即刻中毒，心諗，點解咁大分別呢？於是上返呢個久遺了的毒網了解，先發現，原來呢個世界係咁大，於是做完功課，睇完大量開箱文後，前兩日喺星際大舖屎忽痕係咁試機，試咗x7，安記，AK，又玩埋2.5線，足足玩咗3粒鐘，即時劇毒入血，要攞把鎅刀出嚟，喺自己條頸上的大動脈鎅了一刀放血，入咗AK320及Labkable Air Classic 2.5 Balanced解毒，依家好後悔，後悔點解唔早啲上76了解各樣毒物。稍後得閒再報告聽後感吧！

jan_ng2001

先聲明，本人唔識技術層面嘅嘢，純粹用我聽咗膽同石2channel多年得出來嘅聽感來分享，如有講錯請見諒。

煲咗兩日，條線及部AK320仲係生，未熟，但係由於耳機已跟我2, 3年有多，所以係全熟狀態，暫只用MQS，Flac，SACD DSF，WAVE播放，依家有以下聽感：

換咗2.5後，明顯聽到骨肉分離，無黐埋一舊，每樣樂器同人聲清晰分開，人聲偏前，合埋眼會見到有人企喺前面唱歌，聽演唱會有現場感

聲底方面，味道較厚同暖，有膽色，無乜蘿蔔聲，以個人口味嚟講，啱晒我可車，有適當低音，唔會過肥，聽歌仔一流，高音唔尖，甜聲，唱歌有口型有口水聲有尾音，弦樂有牛筋聲，聲音有質感，無乜底噪，乾淨利落

本人覺AK320啱聽小調，歌仔，人聲，演唱會，協奏曲為主，如果要聽heavy metal，大棚嘢，吓吓打心口未必啱

講住咁多先，如有師兄有興趣再討論時先再講吧！

jaffeinism

jan_ng2001 發表於 2016-8-16 14:21
先聲明，本人唔識技術層面嘅嘢，純粹用我聽咗膽同石2channel多年得出來嘅聽感來分享，如有講錯請見諒。

煲 ...

本人覺AK320啱聽小調，歌仔，人聲，演唱會，協奏曲為主，如果要聽heavy metal，大棚嘢，吓吓打心口未必啱

@上左M未?

faichu

樓主個標題寫得好正喔！！

diff

有冇加埋原廠amp？

jan_ng2001

diff 發表於 2016-8-16 18:55
有冇加埋原廠amp？

無呀，其實我當日都有問個sales 加咗有咩分別，佢淨係話啲聲實啲，有力啲，不過我無試到，個sales 同我講,，如果嫌唔夠毒，可以下次以優惠價買埋個AMP喎

jaffeinism

jan_ng2001 發表於 2016-8-16 19:54
無呀，其實我當日都有問個sales 加咗有咩分別，佢淨係話啲聲實啲，有力啲，不過我無試到，個sales 同我講 ...

無M下既AK好似未食飽飯甘, 尤其是推6單以上個的動鐵

jan_ng2001

jaffeinism 發表於 2016-8-16 20:08
無M下既AK好似未食飽飯甘, 尤其是推6單以上個的動鐵

係呀？下次要去試吓個M 先，不過我驚試完又失血過多呀！

jaffeinism

jan_ng2001 發表於 2016-8-16 20:13
係呀？下次要去試吓個M 先，不過我驚試完又失血過多呀！

吾一定用原廠個個, 外接其他廠都得,

原機下推力係腳仔軟的, 我部240入手開頭都覺得, 吾係嘛, 的聲甘衰既, 再加碼入多台M駁, 先知部機原來好好聲

jan_ng2001

jaffeinism 發表於 2016-8-16 20:16
吾一定用原廠個個, 外接其他廠都得,

原機下推力係腳仔軟的, 我部240入手開頭都覺得, 吾係嘛, 的聲甘衰 ...

其實我依家唔家Amp 都可以聽聲收貨，真係好想試吓有amp 有幾大分別，會唔會分別大到好似第二部機咁呢？