買碟全攻略~分享大家買碟既方法

takeishi

  就近日發表左一編俾人話我只係識唱衰人既文章之後.
好~今日我又黎同大家分享下我買碟既心得. 我 TAKEISHI 兄.
唔係淨係識得去日本摷碟既. 作為土生土長既香港仔. 買左廿幾年碟.
你話我勁. 我唔敢當. 再講. 買碟勁又有咩野用姐. 搵錢勁就話叻姐.

  睇住香港呢廿年來唱片鋪既轉變. 本地樂壇都已經變到不似人形.
個個晌度搵番晒D舊野黎買. 唱片公司就淨係識得番炒舊野. LOCAL市場既唱片價錢.
好似海鮮價咁. 日日有上有落. 好彩~我唔多鍾意儲本地既碟既. 所以. 呢方面我唔講啦.
無謂獻醜啦.



  買左幾拾年碟. 我既收藏9成係英文碟. 大部份都係英文歌.
晌香港聽英文歌既熱潮亦都從來無減退過. 好多時你去唱片鋪. 見到英文碟既數量
一定係遠超過中文碟架. 只不過. 但係. 中交碟既價錢卻是遠超過英文碟. 好多時.
你見到一張RE-ISSUE既圖案碟. 價錢係分分鐘要成4-5百蚊隻. 如果我隻隻碟都5百蚊買既.
我諗我都一定負擔唔起.

  買英文碟呢. 好在佢價錢唔貴. 選擇亦好多. 世界各地都有發行唔同版本既英文黑膠碟.
晌香港買英文碟. 好多時都係要靠D水貨佬佢入貨先至買到. 80年代既時候. 由於資訊無呢家咁發達.
所以~果陣真係好難訂到想買既碟. 只係真係靠佢地入到貨既就有. 無既就無. 所以. 果陣我都真係交唔小學費架啦.
後來到左90年代啦. 香港開始出現HMV同埋其他既唱片連鎖店. 自此之後. 買碟就多左好多好多渠道同埋選擇啦.
再其次就係. 出現左綱店平台. 什至係拍賣既出現. 更加令到我知道呢個世界原來係咁大架. 好多唔同版本都可以搵得到.

  我點樣買碟既呢. 之前既就唔好講啦. 講下今時今日. 我點樣晌香港訂碟買碟架啦.
我一年都只係去兩次日本掃碟. 其餘時間就係晌香港買碟. 新碟呢. 通常我一定會去訂架.
特別係D限量版. 唔訂唔得架. 我會去邊度訂碟.


首先. 我會去D相熟既鋪頭訂. 要睇下你訂果隻咩野版. 如果一般有行貨既. 歐版. EU版呢.
去"威威"呀 . "聲威閣" 呀. "東方188 (3樓) 果間. 又或者係去 "搖擺廊" 訂都得.
去信和二樓鋪頭仔.又或者信和地庫都得,. 呢D地方訂. 起碼唔驚佢係離地價先啦.
不過當然. 貨比三家. 大家都係格下價先好訂,.  

  不過. 只限一般有行貨既碟. (即係~有代理入貨) 既碟. 通常價錢都同外國相同.
買英文碟最開心既就梗係有行貨啦. 唔駛捱貴野.


  再唔係啦~要買D特別D既版本. 又或者係D限量版呢.
HMV 或者係 TOWER RECORD 佢地就一定幫到你. 但係. 當然. 價錢會貴些小.
不過係就係貴D. 當然唔會係節拍D離地價啦. HMV呢家什至連二手黑膠碟都撈埋.
真係多左好多選擇.







  CD-WAREHOUSE 也是不錯的選擇, 好多時炒價野晌佢度都唔算好炒.
同埋. 佢好處係. 好鬼多特典初回禮物送. 係佢先至有架昨.



  再唔係. 可以去訂碟. ZOO RECORD 或者係 "搖擺廊" 啦
佢好專業架. 美版佢都一定訂得到. 通常行貨係無美版架. 從來香港都好小行貨係入到美版.
搵佢地訂. 價錢唔會離地. 不過. 最好真係隻碟出之前好搵定佢啦. 出左之後呢. 如果隻碟好賣既.
好多時都已經訂唔到架啦.





  其實~大家可以考慮一下. 自已上綱訂. AMAZON 係一個最好既選擇.
好多時免運費. 而且絕對唔會係炒價. 如果大家怕隔山買牛既. 本地既綱店亦都係唔錯既選擇.

例如   http://ushop.umwebzine.com/

呢間價錢十分公道. 例如前一排炒到5百既LALA LAND藍色膠. 佢都只係賣160蚊

  再唔係既. 想直接同美國訂碟既. 呢度啦. SOUNDSTAGE
咩野美版佢都齊晒. 但係有一個唔好處. 佢既運費好貴. 通常只係買兩隻碟真係無著數.
最小都要買5隻以上先有數圍.

http://www.soundstagedirect.com/


  再唔係. 向難度挑戰. 想搵D絕版野. 去E-BAY囉.
YAHOO JAPAN拍賣囉. 什至 日本DISK UNION都有綱購.
E-BAY係好多人都攪得到. 不過日本YAHOO拍賣同埋DISK UNION呢.
真係要搵人幫手啦. 我本身有日本既信用卡可以用. 同埋日本果邊有朋友.
所以先至攪得佢掂. 如果唔係. 你就要出旺角搵AGENT幫你BID. 有D手續費OK既.
同埋佢地可以安排集運一次過寄黎香港. 咁個運費就無咁貴啦.

]



  再唔係啦~搵二手碟. 香港大把地方搵到二手黑膠碟. 就咁深水埗呀. 已經行到你唔行多到死啦.
上環啦. 觀塘啦. 旺角啦. 只係. 有D價錢真係貴到離地. 例如........唔講啦. 費事俾人話我唱佢啦.
都係果句. 明明只係值一百幾拾蚊既貨色佢就賣成千蚊. 如果係錢多無定駛既. 咁我真係公起你啦.
你咁有錢俾佢呃. 香港既經濟真係靠晒你啦. 公起公起.















  唔知重有無漏. 有既. 請大家賜教. 補充一下. 感謝.



  咁如果你錢多無地方駛既. 不仿可以去節拍呀. 德記呀. 信和7樓呢3間既.
唔好話我唱佢啦. 嘩~呢3間價錢十分感動人心. 態度亦十分親切有禮. 鍾意既未上去睇下囉.
香港經濟靠晒你啦.

4u2c

如果要买黑胶的话，在鸭记那里买？还有，摇摆廊能不能打电话订碟的？

ripslyme05

嘩, 估唔到我小小一個回覆令到師兄要打咗咁大段野

其實出下呢類介紹咪幾好
對其他師兄買碟都有參考價值
我相信呢度大部份消費者都係睇價錢份上, 開天殺價都唔會多人幫襯
成日開名唱衰實在無謂
一間鋪是否黑店, 買開CD一定心中有數
況且之前咁已經有N個咁多76會員指責過節X
你都唔係第一人, 已經唔係新鮮事
不如介紹多啲好野同各位分享下

slche2001

而家咪唱好人地間舖, 到時人地唔俾碟佢佢咪又開POST唱人囉, 還記得梅艷芳3吋CD事件, 小家又小氣, 仲有, 你好多錯別字, 讀多啲書先學人出POST嘞!

takeishi

slche2001 發表於 2017-3-8 17:18
而家咪唱好人地間舖, 到時人地唔俾碟佢佢咪又開POST唱人囉, 還記得梅艷芳3吋CD事件, 小家又小氣, 仲有, 你 ...

咩我話過我好有文化水平既咩. 我自認盲字都唔識多隻架. 人又小氣.
不過好過D人呀. 下下講粗口.

kl122002

很有精神的一篇分享文, 值得一讚 .
同樓主一樣, 我只會熟店去做order, 佢地老世知有好野出都會知會我

總好過有些鋪冷不防的一句 "唔好意思, 你的要第二轉先返", 轉過頭取出同一張俾另一個客.
甘樣的鋪, 我真係遇過

樓主甘有heart的分享, 令我古典果度都要落力少先先得.

好奇一問, 點解無HK Records?

takeishi

4u2c 發表於 2017-3-8 16:06
如果要买黑胶的话，在鸭记那里买？还有，摇摆廊能不能打电话订碟的？

  鴨記呢~真係淨係得二手黑膠碟架昨. 不過鴨記就真係多既.
最出名. 唔駛講啦. 實係PAUL記啦.



恆聲啦. 之前介紹過. 藏碟量豐富.








鴨療街地灘 ~ 街頭掃到落街尾. 起碼有十檔8檔有膠膠. 不過好多貨色都好垃圾下.





夜冷店~鴨記街尾. 排滿成地都係. 只係. 想搵到好野就難D啦. 一早俾人掃晒. 睇你彩數啦.
我試過有次見佢開箱. 都掃左兩隻BLONDIE膠膠. 廿蚊隻. 抵到欄



街尾阿婆果間啦~佢都算OK既. 不時有新貨到.






阿婆行轉彎果間. 呢間唔錯. 企企理理. 呢間最值得一去.
價錢又唔貴. D碟又靚仔. 我最鍾意呢間.



[IMG]

[url]http://i1234.photobucket.com/albums/ff405/toysimp/20140315_165528_zps1605f44f.jpg[/IMG][/URL]


大榮啦~好多碟. 不過. 好污濁囉.



  另外, PAUL記對面. 落地庫. 大家樂隔離都有一間賣碟架. 肥佬都幾好傾. 都好人.
買多幾隻. 實有折俾你. 不過搵唔到相. 你去到PAUL記對面就見到佢個招牌架啦.

咁樣數下數下. 深記都真係好多二手碟鋪下架其實. 有時我都真係可以行足一日架.
只係. 想搵到D絕版野就難小小啦. 普通貨色就大把. 多的是.........不過都真係OK唔錯既. 唔貴.
有時可能俾你搵到D意想不到既野架.

4u2c

takeishi 發表於 2017-3-9 09:56
鴨記呢~真係淨係得二手黑膠碟架昨. 不過鴨記就真係多既.
最出名. 唔駛講啦. 實係PAUL記啦.
...

谢谢师兄，我下星期会过香港，到时去找看。。请问都靠近地铁站的吗？

takeishi

4u2c 發表於 2017-3-9 10:50
谢谢师兄，我下星期会过香港，到时去找看。。请问都靠近地铁站的吗？

  俾人話我小氣. 哈哈哈~我認架. 我何止小氣呀.

不過~我小氣. 但我從來都唔自私架. 深水埗搵碟. 俾埋個地圖你啦. 只要你由鴨寮街開始行.
圖中打星既地方就實有碟鋪. 首先. 行晒條鴨寮街先. 1. 去搵阿PAUL記. 2. 去PAUL記對面果間落地庫. 搵個肥佬
3. 鴨記D地灘行晒佢. 4. 轉出去欽洲街即刻就有一間. 5. 行落去大南街~恆聲. 6. 行番轉頭. 去南昌街. 沿途都有D地灘掃下碟既.
最後. 7. 去醫局街果間.

  淨係咁樣數呀. 都有排你行呀. 袋定多D錢啦.
其實PAUL記呢. 你實有野掃到架. 只係. 你真係要識同你講價先得.
佢無野既. 你買多幾隻. 吹下水. 佢自然平D俾你架啦. 講價都係一種樂趣黎架.

4u2c

takeishi 發表於 2017-3-9 17:06
俾人話我小氣. 哈哈哈~我認架. 我何止小氣呀.

不過~我小氣. 但我從來都唔自私架. ...

谢谢师兄