（實物圖）《GT跑車浪漫旅》+《極悍巨鯊:深溝》一入

Hugo Fok · 發表於 2023-11-10 15:57

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 Hugo Fok 於 2023-11-10 17:14 編輯

最近兩個禮拜分別出左《極悍巨鯊2》同《GT跑車浪漫旅》既 4K 藍光版... 今個周末大家諗住挑戰條賽道先，定係挑戰條鯊魚先呢？ 😆🤪😎

之前因爲時間問題無入過場次呢套《GT跑車浪漫旅》，所以真係第一次睇呢部電影... 感覺上今次 Dolby Vision 係夜景方面發揮相當貼近 Reference 級，但日景方面就相對保守，灰階比較多，唔知係咪個別硬件 tuning 問題。至於 Atmos 表現方面軌跡感表現都算幾唔錯，軌跡前後走向方面都有唔少發揮。唯獨使用頻率較著種中低音呈現，可發揮細節銳利感既章節較少。值得一提是中後段炒車翻滾位都係一個唔錯既試機素材, 鍾意 GT 或者競賽類型電影的朋友可多考慮！

畫面:6.5/10 (日景表現略為保守，灰階較多，夜景有驚喜屬示範級)
音效:8/10（音效較著重於水平面聲道軌跡感表現，翻車一幕Atmos效果突出）

相對 5 年前首集《極悍巨鯊》，今集《極悍巨鯊:深溝》由首集驚悚動作電影轉型為科幻動作喜劇！一班主角除左未遊得快過鯊魚，幾乎智力同體力都可以同史前巨獸匹敵

聲畫方面今集繼續沿用 Dolby Atmos 及 Vision 規格，日光景表現相對上集來得平衡，夜間水底戲發揮亦有相當驚喜。音效方面，今集動態效果表現理想，低頻部較突出，軌跡未算十分豐富！但作爲胡鬧式動作喜劇都可以一看！

畫面: 7.5/10（數碼感較濃畫質取向，CG 效果較上集合有提升）
音效: 6/10（低音向混音風格，動作戲可以有更多發揮）