Medal of Honor 入手(附實物圖&小評)

@肥狗仔@

入左360普通版~$299~見到有好多特別版賣~但自問對DLC(包括BF3 Beta)冇咩興趣~PS3特別版送的MOH:Frontline Remake由於唔同PC上的MOH:AA所以都唔加考慮。

講下隻game啦。Multiplay就唔試住，Beta玩過，保持DICE遊戲嘅質素，爽快度唔輸蝕比MW，所以就花左個鐘玩單人模式。應該玩到「第一天」第一關，仲係用緊Tier 1隊員。雖然今次由二戰轉到打現代阿富汗，但從頭果幾關就睇得出開發團隊十分有意識地向系列致敬，好似第一關漏夜潛入令我唸返起一代第一關。而且每一關都幾長下。有一樣的確要讚就係槍聲音效，十分真實，有幾次真係以為有人係旁邊開槍。而遊戲本身正如之前所講都係偏向真實的，由接近0嘅BGM到戰場特效都十分到位。唯獨有時畫面比較唔多配合，雖然EA之前聲稱本作單人部份採用UE3引擎，但從各方面點睇都只係同Bioshock﹑SC5一樣係用UE2.5，貼圖質量唔太好，又有畫面撕裂，貼圖錯誤，掉幀等問題出現。另外隊友動作都比較生硬，比唔上MW2。

liljon852

我聽晚去買~
不過想問一下師兄, PS3特別版果個MOH:Frontline Remake其實即係乜野黎??
仲諗緊有冇需要買特別版.

MW2樣樣都唔錯, 係衰在鎗聲......

@肥狗仔@

我聽晚去買~
不過想問一下師兄, PS3特別版果個MOH:Frontline Remake其實即係乜野黎??
仲諗緊有冇需要買特別 ...
liljon852 發表於 2010-10-12 19:08

    MOH:Frontline Remake即係PS2上嘅第一款MOH嘅HD重製版(二戰的，有搶灘，但實際內容唔同PC1代)~如果你喜歡該作品的話，只要入手PS3特別版就有了~而且我唔入手特別版只係因為果D禮物我唔太岩(主要同人online時間唔多，特別DLC差唔多都係for online的)，所以先入手普通版，如果你好愛多人遊戲的話，第一，隻game本身嘅多人遊戲模式質素十分高，唔會買錯。第二，特別版送嘅DLC都好豐富，有槍有軍階又有BF3 Beta資格。都入得過的。

koo9726

入左360普通版~$299~見到有好多特別版賣~但自問對DLC(包括BF3 Beta)冇咩興趣~PS3特別版送的MOH:Frontline R ...
@肥狗仔@ 發表於 2010-10-12 19:02

    有冇試玩下載?想試玩一下先

liljon852

MOH:Frontline Remake即係PS2上嘅第一款MOH嘅HD重製版(二戰的，有搶灘，但實際內容唔同PC1代)~如果 ...
@肥狗仔@ 發表於 2010-10-12 19:38

THANKS師兄~
睇黎我都係買普通版就得了, 唔多鍾意上網同人打

@肥狗仔@

有冇試玩下載?想試玩一下先
koo9726 發表於 2010-10-12 20:10

    應該冇DEMO的~但如果你係軍事fps迷的話，都買得過的。

koo9726

應該冇DEMO的~但如果你係軍事fps迷的話，都買得過的。
@肥狗仔@ 發表於 2010-10-12 21:00

    買買買買買囉記得add我xbox id喔

747-300

我要入普通版! 聽日lunch去睇睇先!!

DVD迷

我入咗p3版,仲係特別版,但我睇來睇去...都唔知點特別法?
又話首批送咩靚槍,點知打開個盒咩武器下載卡都冇個,只得一張垃圾上線卡,對我冇咩用,因為我玩單線多過上線的,但三佰六又唔算貴,呢三佰六當普通版咁買算數了.

james108022

呢集GAME有中文!?
正喔