模型班

DVD迷

我時細無咩錢買玩具的,所以我能半年買到一合高達模型好開心了,我上色係由雙頭筆開始的,因為無錢買模型油,慢慢開始用模型自學上色,出來工作後,開始玩噴罐,連噴槍都買過,自學不懂,所以齊放棄玩噴槍了......

dragonyam

以前睇hobby japan自學，試吓試吓咁

ricky0706

1, 模型班有導師，有架生，咩配套都齊，唔識教到你識。
我見過d人情願比$租場+導師砌自己野，事關唔係人人 ...
marcolau 發表於 2011-7-21 19:04

師兄又唔使唔好意思, 所以我都講左係十年八年前 大家都係黎交流下
的確而家好多半桶水又出黎教人, 如果真係去上堂最好搵口啤好d既...
我呢幾年無砌野發現的確多左好多新技術/方法/工具, 但我覺得無論用咩都好, 最重要既都係做多d, 奶多d野你就會識, 就會知道邊種最適合自己.
學師兄你話, 噴灰都幾十種唔同方法, 自己覺得邊種ok就ok.

marcolau

無從入手時先上堂學基本野
上網, 自行參透..
yahoo blog友都幾強大..開個blog account, 周圍八掛下
模型聚 ...
大佬John 發表於 2011-7-21 11:07

邊個黃華呀...?

大佬John

回復 14# marcolau


    黃子華囉. 乜你有friend叫黃華咩
今個月31號有真人show. 牛池灣 帶件入場

crusaderhk

師兄不妨瀏覽以下網站:

http://www.hkml.net

是本地模友的聚腳地

小心睇完中膠(模型)毒!

minimoai

師兄不妨瀏覽以下網站:



是本地模友的聚腳地

小心睇完中膠(模型)毒!
crusaderhk 發表於 2011-7-21 22:30

我都有去睇過　。。。真係好好既地方！！

calbee1128

1, 模型班有導師，有架生，咩配套都齊，唔識教到你識。
我見過d人情願比$租場+導師砌自己野，事關唔係人人 ...
marcolau 發表於 2011-7-21 19:04

師兄，我而家打算自學算喇，因今日打過去勇SIR到問初楷班時間，實在太難就喇。
而家試下買隻BB WING GUNDAM 試試組裝，打磨，畫線。其實小弟最想學係舊化。
師兄們有咩要留意下

marcolau

師兄又唔使唔好意思, 所以我都講左係十年八年前 大家都係黎交流下
的確而家好多半桶 ...
ricky0706 發表於 2011-7-21 20:37

我好認同你嘅講法，乃多幾次野就會識點做，冇人一出世就識，幾高手都有乃野時。

我唔係話「噴灰都幾十種唔同方法」，係「骨架是否要噴灰」.....

唔好介意，我想引一個前題，當然你知就當交流算喇。
其實網上文章由於冇責任可言，因此誤導及錯誤成份比較多，
網上文章當然有真心分享嘅人，但自吹自雷嘅比率更大。
而模友風氣亦變得只接受讚美而唔接受批評，因此HK最頂尖嘅模人其實都唔鐘意分享，
唔係佢地想收埋，而係「事關比好野你唔領情..你死你事」，哩點唔係我單方面嘅想法，而係我之前同高地陳等幾個頂尖模人傾過嘅答案。

我之所以指出「骨架是否要噴灰」哩個題目，係因為網上資料十之八九都係有問題或誤導.....
好多人只知道底灰「畢地」係用於遮蓋底色及特顯主色，所以有人認為深灰色骨架無需遮蓋，直接噴深灰色已經可以ok......
.
.
.
但實際畢地本身有超強咬著力，可以將膠料表層同畢地同化，一個實驗︰只係厚噴一層畢地到膠件上在半乾時用指甲輕輕一刮，就連膠料都刮甩埋。
而面油只有少少咬著力，唔足以咬實膠件，但就能咬住畢地粗糙面，如果直接噴油上膠面實際係咬唔實，好易刮甩。
而有人認為噴白色件可以直接用white base代替畢地，哩點連日本模書都係咁教，但實際上white base並唔及畢地嘅咬著力，同直接噴油分別不大。
不過人各有智，所以我之前都唔係話一定要噴灰，而係「係要知道點解要噴灰」。

網上好多偉論，唔識就「哦哦哦...」，識就得淡笑，
有時d人玩黎為左自己開心亦冇必要提點，總之唔關我事就唔出聲。

講開日本模書，上次教人用琺瑯油噴新安州，好多人有樣學樣，在網上睇唔少。
講真句....頂佢啦，未完工已經花Q晒啦。
所以無論模書好網上好都應該要格渣同自己試。

marcolau

師兄，我而家打算自學算喇，因今日打過去勇SIR到問初楷班時間，實在太難就喇。
而家試下買隻BB WING GUND ...
calbee1128 發表於 2011-7-21 23:51

勇SIR D時間難就咩...如果你搵佢，我可以幫你問仲有咩計，
佢上面D架生齊，而D油料都平，都算唔錯。

新手唔應該砌BB.....
心態上平野乃左都唔緊要，但由於佢本身係平野，因此分色分件都係最衰。
完成容易，執頭執尾先難，尤其佢D小朋友水口先攞你命。
人地d水口cut完最多磨，佢果d，剪又死唔剪又死，一下唔該凹Q埋入去，到時仲要補，做多幾多野.....
買隻MG會易上手D。

舊化係進階技術，你似乎未學行先學走，
舊化最重要係行多D地盤，留意D舊野，務求令上色自然合理，點解生繡，咩地方易有漬，注意比例。
玻璃會生繡你見過未....但哩d情況在模型世界會出現...
唔少人整到隻野好似玩殘左嘅超合金咁，當然亦冇人會提佢啦....(忠言逆耳)

舊化有幾種，表面舊化、暴力舊化同情景舊化等
總之如要成功必先自宮，先決要忍心整殘件野，我就唔係好忍心，所以主要係表面舊化。
1, 表面舊化，只係用上色技術令模型睇起黎殘左︰


2, 暴力舊化(我咁形容)，要整殘件模型再加埋上色技術︰
爆破要做出層次，唔係開完個窿就算。


3, 情景舊化，模型+情景製作+上色技術︰

(圖為老凹大佬john...，佢話係黑歷史，我就話除左隻野似超合金之外，佢情景製作真係一流。
你睇，邊度搵到位座真嘅一樣....如果碌街燈著埋就fit晒。 )