多謝大家支持 Post76 21周年的台慶版聚!!! (會後哂命帖)

philippe

我都做咗會員十幾年到 真係帶畀我好多免費娛樂 尤其是 喺我 人生最低潮嘅時候 都得到一啲寄託， 因為開工所以嚟唔到希望下次有機會啦

virginia0328

2014 年 為咗參加 yamaha 試玩比賽 正式註冊成為會員 ， 之前都係做cd rom 之後出席咗一次又一次的版聚  灣仔軒尼詩洒吧式自助餐 見證 人越來越多   規模越嚟越大 每次見到周圍啲師兄滿載而歸中大獎， 我都相信自己會有成功中大獎嘅一日 每次我終於成功 好開心，多謝Post 76， 多謝大王，多謝各位師兄支持！只要努力一定有機會

kenaulo

孤身走我路 發表於 2023-12-2 14:34
多謝昨晚教我重新setup subwoofer幾位師兄，已經搞掂了!
好掂!!!!

最後係唔係淨係調校分頻點就搞掂？

research

感謝post76, 由初初成家有空間玩音响後，呢度真係好多資訊，好多師兄都慷慨分享，有好幾次係活動中，更大開眼界，謝謝大王，也多謝post76同工！

過往都有參加台慶，15同16屆都有去，係16屆果時，大王一早講明果屆冇獎抽，但係有水抽，朋友們一問又問點都去啦，一定要支持post76，果晚我地都見到大王放開懷一面，都係好盡興！

21週年果朝，太太問我今晚去邊，我話去版聚，佢話即係咩，講你都唔明，你唔會明一班男人老狗唔識都要去食飯果種情懷，總之唔會係衰嘢，一係你自己黎感受下啦，跟住望下又見到有位，又真係最後一個位，負責同工調配後分到一個位比佢，結果佢就有機會同慶賀，成晚都有問佢悶唔悶，走果時，太太話，我明你同朋友點解會出席啦！


驚喜中驚喜當然係係中埋電視機，抽之前大王仲話呢份獎品係全場最大，我仲口痕同朋友講，如果真係中左，真係搞唔掂，仲話好彩太太係度，如果真係中左，捧住部電視返到屋企，我估佢肯定唔會信，點知大王一讀號碼真係中左！嘩….幾個朋友叫到把聲都沙左！

當然最開心係同枱朋友同師兄都中獎，最最最感動係太太中左我哋一直都好想要kef lsx 2 喇叭，係十級感動！當出去領獎時，見到代理威哥語重心長咁講記得玩得開心呀，記得登記保養呀！真係十分感謝代理們慷慨提供禮物比我哋！希望係黎緊音响節再聽到威哥分享Kef 的心德，多謝晒！

黎緊二十二屆再見各位師兄！大家再叫過呀！辛苦晒大王同義工們的籌備，大感謝！

dtses2002

post76生日快樂 🎉。
多謝大王 Post76仝人和各位讚助商。出席台慶聚會 有飲有食 又有禮品 真係十分開心

C-3PO

不知不覺入咗會16年，平時都有參加啲專題活動，台慶版聚都係今年都第一次參加。
全晚氣紛都好開心好高漲，有得食又有禮物，小瑟又識攪氣氛，令到在場版友過咗個歡樂夜晚。
76 加油 !!

孤身走我路

其中之一
其中之二，將喇叭set高為100，120，150,全部搞掂

EzraMiller

支持小瑟,76加油!

SonSon

多謝啤酒大王供獻獎品


多謝小瑟大王抽中獎品

SonSon