|
|
樓主 |
發表於 2012-3-12 11:14
|
顯示全部樓層
氣憤難平、整夜不能成眠!
小弟自細家貧,做咗四十幾年人,無忘父母、老師既教導,
自問做事一向光明正大,無事不可對人言,
想向各位公開與賣家理論對話內容,好讓各位評一評理.
我雖然不能每一字、每一句都無誤地寫出來,
但以下內容完全是真實的、並無虛言.
話說知道中咗伏、受騙後便心內氣憤,又知道賣家電話及地址,
但佢無理由會在屋企開個檀來騙人?莫非他目無皇法、或者...他都是受害者?
我向老友交待個十仔如何才是假貨及商量後,心想討回公道,要得個明白,
便叫佢致電給賣家理論,但我老友不知如何開口.
我便一手搶了個電話說:「伍先生,你知否賣了個假嘅JBL十仔給我朋友,你個十字是假的、
不是JBL廠所做的、亦不是甚麼美國水貨,可能是大陸做的假貨?」
賣家:「我個十仔點會系假貨,你有乜嘢証據話系假貨?」
我 :「你個十仔做工好差、我在網上找篇資料,JBL es250p並無一個背板份amp系咁樣嘅,
如果你認為是真嘅,可否同我一齊去香港JBL代理行度檢查?錢我會俾,如果個十仔是
真貨,我會請你食飯向你道歉,但如果隻十仔是假的,你是否願意賠返D錢俾我朋友?」
賣家:「你個朋友當日在我家試清試楚後,自已放返入箱,跟著搬走,到現在你話我賣假嘢,
有無攪錯呀!」
我 :「我朋友對呢D嘢乜都唔識,佢上得你屋企試機,心想你都唔會為果一千幾百騙佢掛?
點知真系買咗假嘢.究竟你個喇叭系點樣得黎架?你會否都被人所騙呀?」
賣家:「我都是同個朋友買嘅,佢話是美國水貨,買咗返黎老婆唔鐘意,我就賣番出去囉!」
我 :「咁問題系我朋友同你買嘅系假嘢,並唔系所謂JBL美國水貨,而系大陸做嘅假貨喎,
最多我俾車費運返去你度,你俾返D錢我,無謂攪大件事丫!」
賣家:「我賣咗俾你就唔關我事啦,你朋友試得好清楚架喎,當日部機有聲出,完全無問題架喎, 無理由要我收返隻嘢返黎重要俾返錢你架,你自已攪掂賣過俾第二個人囉.」
我 :「大佬呀,隻嘢D聲完全唔掂,當日你講明你果隻系JBL USA出嘅水貨,而唔系賣冒牌貨喎, 你知否我可以報警處理架,你咁樣賣嘢同我系街舖買到假嘢一樣,你都要負責任架.」
賣家:「嘩...當日試完,而家又話隻十仔唔系JBL嘅聲,個個系咁我未好唔得閒,點樣為之JBL嘅 聲呀?其實一千幾百買到隻12"無壞又出到聲嘅十仔都唔錯丫.」
我 :「我唔系話唔系JBL嘅聲,是因為系冒牌貨才退返俾你姐,大拿拿二千幾蚊買你隻咁嘅垃圾 ,你俾返錢我轉頭,要我擺隻咁嘅嘢系屋企,我都一定唔會要囉,阻地方咩.」
賣家:「其實我朋友賣俾我系水定假貨我都唔知.」
我 :「咁你就俾個電話佢問清楚囉,當你了解晒成件事先覆返我地點樣解决啦!」
賣家:「我就唔會為果一千幾百得罪個朋友囉,一陣連friend都無得做...」
我 :「喂...我而家買咗個假貨,機你又唔同我去check,錢你又唔賠,叫你問清楚賣俾你個人
你又唔問,咁你即系不負責任啦,唔好講咁多啦,究竟你會否退返D錢俾我?」
(跟著大致不停重覆以上內容...我要求同佢去代理行度check機.....佢就不停系度耍我....
我老友見我起火,就攞咗我手上個電話同佢講....待續) |
|
[複製鏈接]
發表於 2012-3-12 01:24
