音茶樂 Flat4 Kaede Type II 楓弐型 開箱 (代)

斯路

當初因為覺得Flat4-KURO唔易玩但係多花心思的話效果相當唔錯，主動分享過對於Flat4-KURO玩法既少少心得。而家香港都有得買音茶樂產品，真係相當唔錯。

Flat4-KAEDE推出時侯定價非常高，感覺上同Flat4-KURO價錢分別主要在於木工以及限量定位。唔知今次KAEDE II會唔會係非限量產品呢? 上網睇只知道產能低但好似未有明文標明係限量版。限量版而又唔使5000蚊的話，好似真係幾唔錯。比較可惜係便攜器材好似未能好好發揮Flat4系列；就呢點而言我對DONGURI-櫸以及鐘更有興趣。

另外一提，DONGURI-樂以及鐘應該係茶樂音人產品而非音茶樂產品，兩者分別主要好似係在於產地。

Andykong

斯路 發表於 2015-2-25 19:23
當初因為覺得Flat4-KURO唔易玩但係多花心思的話效果相當唔錯，主動分享過對於Flat4-KURO玩法既少少心得。而 ...

確實是不容易處理得好，尤其是我是直推黨，所以和你當日用的 V800/V200 組合，應有不小的距離了，但就算未能充份發揮，已經是在隨身範疇內很難找到代替品的組合。我之前也和一位成日問「推到幾多成」的朋友們分享過，推到 7 成定 9 成是廠家關注的問題，用家要考慮的是自已比左咁多錢，現在推成咁，同其他「同價方案」點比較？是否最符合自已的要求呢？

5000 是香港定價，內地標價是 6180 RMB，台灣個價計返都過 6k HKD！

楓當年限量幾多隻？ 楓2 話就一個月 20 對，即係一年 240 對，其實和限量也相差無幾了，但畢竟產能有升有跌，佢後期加大產能的話大家都唔會怪山岸吧，不過諗住限量版就要博一博了！

現在 Flat4 只剩 Nami 是有興趣但又未有機會聽過的，反而 DONGURI 未聽過，有機會都應該要試下！

Near

Andykong 發表於 2015-2-25 23:51
確實是不容易處理得好，尤其是我是直推黨，所以和你當日用的 V800/V200 組合，應有不小的距離了，但就算 ...

前幾日 一試 AKA 緋 有果種 第一次聽k3003既感動

好自然既音色 弦樂空氣感好特別 本來已經唔想再玩入耳

聽日應該會去試一試楓2 比緋更好就應該入手了 希望唔好賣哂

搵大提琴前奏 一試就中左毒....當時用店內dx90 果種弦既磨擦色真係

明天帶hugo去試 睇下發揮成點

eve111

我都買左楓II，見師兄開箱，都想分享一下。
本身用緊F111配AK100，分析力唔算高，低頻都唔多，不過整體聽感就唔錯，音場大，人聲又好聽，係一個好耐聽既組合。
不過換左AK120II之後，同F111完全唔夾，D聲好沖好吵耳，試下用FX1200，低音用過大，遮住人聲，都係麻麻地，之後就決定試下其他耳機。
爬過下文，覺得IE800,SE846同楓II都應該啱我口味，就出左旺角試。
Shure SE846
人聲超級貼耳，加上本身對SHURE既調音都唔太鍾意，放低左

IE800
音場超大，分析力非常高，三頻好平均，不過個人感覺上聽得耐耳仔會好攰，都放棄左

楓II
我就好鍾意木製耳機，本身都有EW9、FX800、FX1200....，望落又好靚，所以本身對楓II都有多D好感。用AK120II試，音場冇IE800咁大，但唔差好遠。高音可以伸延到好上，但又唔會刺耳，低音量唔係好多，但潛得夠深。人聲距離亦都適中。樂器方面，攞佢同FX1200比都唔會輸，多樂器既時候唔會亂、炒埋一碟咁。耳機上既氣孔對於空氣感既幫助好大，令到楓II聽落非常自然，同AK120II夾都唔會差，就決定買佢。

楓II都有D缺點，例如隔音唔好、線身太幼，好驚好易斷，齒音都有少量。論音場、分析力、 人聲.....楓II同其他牌子既旗艦比未必係最好，但各方面都做得唔錯，我最鐘意佢既地方就係好耐聽，唔會聽一陣耳仔就攰。

Andykong

eve111 發表於 2015-2-26 00:18
我都買左楓II，見師兄開箱，都想分享一下。
本身用緊F111配AK100，分析力唔算高，低頻都唔多，不過整體聽感 ...

恭喜師兄找到心頭好！

用 AK120II 玩動圈可能會較吃力，尤其你所提到的兩隻 IE800 和 Flat4 都唔人咁品，但無論如何，起步個下最緊要自已啱聽，然後慢慢花好佢都未遲！

Flat4 的隔音算中級，比 EXK 好多了，但和理想仍有距離，你遲 D 帶慣左會塞得「入」 D，到時隔音會好左，低頻也會有明顯改善。Flat4 的底頻比較要求有控制力，我反而擔心 bass 多收唔實，所以 bass 小是好事來架！

音色是個人主導，最緊要你鐘意就得，但提一下 Flat4 煲落會有一段時間齒音特別多的，繼續煲，守得雲開見月明啊，煲煲下佢又會小返 D，最後有幾多齒音就看系統配搭了！

Andykong

Near 發表於 2015-2-26 00:01
前幾日 一試 AKA 緋 有果種 第一次聽k3003既感動

好自然既音色 弦樂空氣感好特別 本來已經唔想再玩入耳

聽 AKA 已經心動，跟住仲帶 Hugo 去試楓2？呢 D 咪叫自投羅網囉！

我諗大家坐定定等你明天返來開箱啦，約定你先，明天不見不散啊！

onlinekaiac

Near 發表於 2015-2-26 00:01
前幾日 一試 AKA 緋 有果種 第一次聽k3003既感動

好自然既音色 弦樂空氣感好特別 本來已經唔想再玩入耳

請問師兄妳係邊度試緋?
聽日我都出mk   一5一齊?

onlinekaiac

eve111 發表於 2015-2-26 00:18
我都買左楓II，見師兄開箱，都想分享一下。
本身用緊F111配AK100，分析力唔算高，低頻都唔多，不過整體聽感 ...

個人認為楓2分析力已經同k3003平起平坐, 但就嫌楓2聲底冇乜味道 如果前端冇乜音染會便得不耐聽
反而最大缺點真係怕斷線同配搭問題

Andykong

onlinekaiac 發表於 2015-2-26 09:51
請問師兄妳係邊度試緋?
聽日我都出mk   一5一齊?

個人認為楓2分析力已經同k3003平起平坐, 但就嫌楓2聲底冇乜味道 如果前端冇乜音染會便得不耐聽
反而最大缺點真係怕斷線同配搭問題

應該是 21 樓吧，有檯有椅可以坐底慢慢玩，只要細房無人試 Active speaker，還算很安靜的。我試楓2 當日初段還好的，但中後段有客人試喇叭，跟住客人試完後店員無收細返 vol., 有小小吵！

講開怕斷線，其實我留意了很久，就是為何動圈入耳多數不能換線? 音茶樂，IE800, Dita 等都是不能換線，EXK 理論盧可以換線但無乜選擇可言，但點都叫做斷在有得 replace, 暫時有考慮過的動圈入耳又可以玩線的好像只有 JVC 了！

還好 Flat4 的線夠軟身，對 Kuro 用到導管甩了一半油，線仍是軟軟的沒有硬化或破損，算是襟用吧！

bcy007

我部MA9壞左D制 , 拎左去維修 ... 手頭上無野推得到SUI , 好陰公豬 , 好掛住佢呀 , 成個月啦