Klipsch X10 入手

slche2001

今朝用 X10 加 IPOD PHOTO 聽歌返工, 真係幾好FEEL, 而家用部MP3細聲煲緊, 希望快D煲出好聲來

仲諗緊買唔買多一隻好

lp24nelnel

slche2001 發表於 2015-8-5 10:55
今朝用 X10 加 IPOD PHOTO 聽歌返工, 真係幾好FEEL, 而家用部MP3細聲煲緊, 希望快D煲出好聲來

仲諗緊買唔 ...

買啦
我刀會買多只s4 X10i送禮自用一流

slche2001

lp24nelnel 發表於 2015-8-5 11:24
買啦
我刀會買多只s4 X10i送禮自用一流

咁 X10 定 X11 好呢?

mylam

Why not both?
我就剛入埋X10
兩隻都未煲，初步聽落X10口味重d，X11清純d，睇你口味

chowyeung

mylam 發表於 2015-8-5 13:17
Why not both?
我就剛入埋X10
兩隻都未煲，初步聽落X10口味重d，X11清純d，睇你口味 ...

ching真快手！

我星期六先有時間去取 X11 同 X11i。X11自用、X11i 打算送俾姨甥仔。

guppyguppyguppy

slche2001 發表於 2015-8-5 11:32
咁 X10 定 X11 好呢?

兩對都有, X10同X11最大分別, 個人覺得容易推左, BASS量多左, 聲底兩對都好似. 以一千樓下, 我會用"OK"來形容呢兩對耳機. 煲同未煲起, 分別唔會好神化級提升, 只可以講順耳左咁囉. 始終係一單元設計, 唔會有反天覆地既聲音出現.

高中低三頻都唔會過份OVER, 聲音暖暖地, 人聲唔係玩女聲, 但又唔會過份粗豪, 使唔使好大力去推? 我個人認為AK過萬及IPHONE既分別唔算好大. 整體唔會有好好既方向感, 就係FLAT既聲音, 分析力合格, 談唔上有咩定位包圍感音場之類. 配上IPHONE你會覺得聲音更加一夠夠, 但可能咁既聲會有人形容為"耐聽". 不過不得不講, 聽診係超勁, 扭下個頭都, 出街, 都會不停聽到"咯咯"聲由條耳機線打到你心口再傳上雙耳. 而且因為耳機細又插得入, 用得耐耳仔好痕. 不過隔音真係勁, 感覺仲好過SHURE, WESTONE果炸.

講左咁多, 買唔買, 真係好睇你有冇需要及多餘錢, 如果用緊EARPOD, 我認為無需要買, 因為唔會有提升, 但會得到唔同風格既享受.  假如有得試, 強建出去聽下先再決定.

mylam

chowyeung 發表於 2015-8-5 13:43
ching真快手！

我星期六先有時間去取 X11 同 X11i。X11自用、X11i 打算送俾姨甥仔。 ...

剛今日又經過，買埋唔使被蟻咬

cousinso

guppyguppyguppy 發表於 2015-8-5 14:09
兩對都有, X10同X11最大分別, 個人覺得容易推左, BASS量多左, 聲底兩對都好似. 以一千樓下, 我會用"OK"來 ...

C hing 咁即邊對易推D多D Bass?

WallerHomie

剛開盒進步空間仍然好大，不過聲底完全唔似一單動鐵；
音色柔情似水，人聲收到好滑好圓，音場輪廓似個球體，煲耐些小再試下用手擴推推。
不過問題都係普遍一單動鐵既通病：頻寬窄，略欠分析力，聲音分離度較差等。
暫時聽歐美流行曲都相當對味，聲音易入口，有少少似Westone個種暖聲。
開聲不久仲係有明顯顆粒感，應該有排煲，而且潛力好大。

chowyeung

WallerHomie 發表於 2015-8-6 14:12
剛開盒進步空間仍然好大，不過聲底完全唔似一單動鐵；
音色柔情似水，人聲收到好滑好圓，音場輪廓似個球 ...

好野！恭喜入手！

講開又講，唔係話X10或X11好神，但以現今headfi市場各種各樣的高價iem來說，x10係扺玩。戴得舒服、聲音又討好。

另外，一單元我又唔覺得有乜先天不足之處，可能我聽得少，er4p/er4s的分析力我就覺得十分好，有人話冇乜bass，但當年我用er4s插炸彈，聽交響曲，聽到好high（可能因為管弦樂唔會有轟轟聲的低頻吧，不過...樂團都有double bass呀）。我衣家覺得，愈多單元，要做到音樂三頻有連貫性越考功夫，我上次用westone 3，唔係話佢唔好，但又唔覺三單元頻寬就好左，聽交響曲高中低有點怪怪（不連貫？）。好彩隻westone 3 係 amazon 大減價買返來，冇咁傷（之後平一百幾十賣走了）。

之前又玩過 momentum in-ear，聲音冇投訴，愈煲愈有，唔算貴，但機體稍大，線我覺得有點過粗，戴住行街，墜下墜下，冇x10, x11 咁舒服自在。