有傳克勤過檔英皇

HD_2

環球唱片18年嘅李克勤，一直對公司忠心不二，不過，最近有傳容祖兒積極拉攏克勤過檔英皇，今時今日嘅市道仲出動3,000萬利誘，搞到克勤都心郁郁。有指克勤覺得近年環球對自己唔算特別好，將重點放喺同公司嘅陳奕迅身上，加上環球同大台嘅關係又惡劣，流住「大台血」嘅契仔克勤，夾喺中間左右做人難，所以難免萌生去意。

跟克勤同屬環球歌手，兼且亦師亦友嘅校長譚詠麟，今日喺黃埔出席向雪懷作品演唱會記者會，被記者問到克勤係咪3,000萬過英皇？校長初時扮儍話：「咁少，唔知喎，了解吓先。」問到知唔知克勤動向？校長終於爆料：「佢動向會知，咁大個人，21歲已經成年，有自己選擇。」問到係咪唔捨得？校長坦言：「冇法，都有少少！」

問到幾時知道呢件事？校長代克勤默認過英皇：「半年前已經知道，佢有同我傾過，我話as father或family身份，如果人哋出得起一個數目，可以考慮，我聽返嚟唔係咁少。」有冇勸克勤留低環球？校長話：「冇得勸，公司嘢間間唔同，佢出去打拼吓都好。」

咁以後咪冇得再做左麟右李演唱會？校長搞笑話嚟左麟右李餐廳食嘢咪有得睇，記者話冇得搞新騷？校長都話：「好難，每間公司方向唔同，自己覺得好難。」臨別秋波開咗騷先？佢話：「唔使啦，呢啲緣份嚟，呢個世界冇話冇咗邊個唔得。」咁克勤係咪已經同環球約滿？校長話：「我同克勤本身都冇約㗎。」

不過，《蘋果》向英皇CEO吳雨求證，佢就否認：「冇咁嘅事！」雖然英皇話冇傾過，但環球發言人承認：「克勤會離開，傾埋如下細節就走。」
(Post76 Android 手機版送出)

jimmy188

古語有云……親生仔不如近身$

yuppi

都已經吾係第一次跳槽

文次郎

環球已經給了好多自由空間和同他接咗好多JOB，不過，李克勤都沒有第二次高潮啦，跳去邊間都係食老本… (純個人睇法)

Johnson8hk

文次郎 發表於 2016-6-16 16:44
環球已經給了好多自由空間和同他接咗好多JOB，不過，李克勤都沒有第二次高潮啦，跳去邊間都係食老本… (純 ...

咁英皇在國內有好的關係，可以全力幫佢打入國內市場

Will

流住大台嘅血, 去星夢仲好, 大把膠劇主題曲唱

HD_2

成五十歲仲可以點
(Post76 Android 手機版送出)

Gentleho

佢去英皇無非都係想全力打入大6市場吧，怪不得他。可能會好似英皇其他男歌手一樣，喺香港越來越難見到了。來自: iPhone客戶端

byingfung

左麟右李其實唔會影響，佢都成日同祖兒開演唱會啦？不過絕對相信就算過檔去英皇，克勤腔永遠不變

vinnybm

上次隻碟咁喳  都唔怪得佢唔替自己打算下既！