新手入門問耳機、播放器 、耳壙

11GOR

終於忍唔住入左ie80同71a，破產喇
但試過好多耳擴都係名大於實，收四、五千但提升效果唔大，加左同冇加分別唔大，依家呢個組合效果唔錯，頂住先，不過仲可以提升。
努力學習自己砌部耳擴中，咁又平又一定合自己心水。有冇師兄有好介紹呀？

charky17

恭喜晒師兄!!我唔識自己耳擴,不過個人覺得E12係一送又平又正既耳擴!

11GOR

煲練中...

SONIC_PIG

11GOR 發表於 2014-5-21 12:03
煲練中...

師兄入坑之心非常堅定......,恭喜恭喜!!!!71a夠氣夠力..,細Amp界之林寶堅尼....

11GOR

套機聽左幾日之後，唔知係咪心理作用，ie80 d聲好似鬆d咁，睇呢有排煲。仲有我朋友借比我果條駁機線d 聲都幾好，佢比第二條我試，但係我唔太中意d聲，佢話假期帶我上去佢試開果幾間試下其他，唉，呢d真係好朋友呀。

SONIC_PIG

11GOR 發表於 2014-5-23 16:39
套機聽左幾日之後，唔知係咪心理作用，ie80 d聲好似鬆d咁，睇呢有排煲。仲有我朋友借比我果條駁機線d 聲都 ...

朋友應該有坑同墮，有毒同吸，所以佢係你真朋友...

11GOR

我個朋友上個星期六放假，話我咁鐘意佢果條過機線，就同我上去旺角金雞佢買借左比我果條ipod過機線間diy舖頭試下其他過機線。
唉，唔上去試由自可，一上到去，嘩，好多靚線包括過機線同耳機線都有好多任試，一試就出事喇，除左我朋友買左果款之外，我仲試到幾款合心水既過機線，由於小弟銀両有限關係，只可以買一條店員話係絕版過機線，而我朋友果條就梗係繼續借住黎用先喇
果條絕版過機線真係好毒，一插入去試聽就唔想除低，d人聲好有感情而清楚，連我朋友都話點解佢上次黎唔見呢條線，如果上次試到，佢一定成個月都要食樹皮都要買佢，個店員仲話呢條過機線係老闆無意中係屋企搵到２粒停產電容再加埋一种好好聲既線而做出黎，要磨薄個殼先做到，好考師傅手工，整左成曰磨爛好多個殼之後尋晚先成功做好，剛剛放上架咋，下次都唔知仲搵唔搵到果种電容再做另外一條。我聰完就決定左食樹皮喇，依家聽左２日d聲真係好毒下，但仲有幾款合心水既過機線想買，因為每條都唔同聲而又好聲，唉，點算呀，睇怕有排食樹皮

bbken0331

11GOR 發表於 2014-5-27 16:02
我個朋友上個星期六放假，話我咁鐘意佢果條過機線，就同我上去旺角金雞佢買借左比我果條ipod過機線間diy舖 ...

師兄請問試野果度幾樓?
上親金雞都剩係識去X聲......

SONIC_PIG

11GOR 發表於 2014-5-27 16:02
我個朋友上個星期六放假，話我咁鐘意佢果條過機線，就同我上去旺角金雞佢買借左比我果條ipod過機線間diy舖 ...

師兄你指果條食樹皮係乜線材？好似有D黑點嘅..,唔通係命脈所在?

11GOR

bbken0331 發表於 2014-5-27 21:43
師兄請問試野果度幾樓?
上親金雞都剩係識去X聲......

好似係10樓行到差唔多走廊尾 ，祝你好運唔使食樹皮。