CD一定比有損DL好？hi-res係音質保證? 事實上又係唔係咁？

WillsonLaw@FB

nanaholic 發表於 2016-10-14 12:32
因為依家問題正正就係好似你咁講係無意思！

因為依家音響界同燒友剩係注重材料（CD／hi－res ...

話說呢⋯實體CD仲貴過hi-res⋯ （Lovelive)
你又會點揀

dezispop

呢類topic堅係火藥味濃，真係留名睇罵戰。

其實聽感因人而異，有人追crystal clear, 有人追analog黑膠味，又冷又暖都冇準則嘅，不過錄音質素的確係最重要。

lisztian

dezispop 發表於 2016-10-14 14:26
呢類topic堅係火藥味濃，真係留名睇罵戰。

其實聽感因人而異，有人追crystal clear, 有人追analog黑膠味， ...

其實唔係聽感問題




咸魚青菜同山珍海錯各有所愛，冇野好爭論，真係好個人。


但如果話山珍唔一定真，廚師都可以煮得好難食。所以話山珍海錯都唔一定好食，唔係個"結論錯"，只係成個討論係一個偽命題黎。

而且，就佢咁講，咸魚一樣可以臭，菜都可以有毒，唔明講出黎有咩意義。

trio_killer

如果個mastering已經拆左聲，高清File果個位照拆聲但其餘好接近mastering，MP3果個位拆得比較少但其餘走曬樣，你會點選擇?

nanaholic

lisztian 發表於 2016-10-14 14:35
其實唔係聽感問題

講出嚟嘅意思咪就係根本好多人（特別係新手）連呢個道理都未明白而盲目追規格。你覺得我依家係講緊"阿媽係女人"嘅嘢, 但連呢個thread都已經有人跳咗出嚟話d波形係show緊dynamic range同問max DB係幾多已經證明咗好多人對呢方面嘅知識根本係唔夠, 但往往呢方面係冇人會主動去討論.

十次有新人上嚟問要點聽先好就必定十次有人跳出嚟叫人換晒hdd上嘅壓縮檔就無損呀去買hi－res呀乜乜物物，但連基本嘅錄音/混音/軟硬件規格邊樣影響音質嘅邊方面嘅概念都未有就盲目追隨規格上嘅數字並唔係真係學嘢/燒友嘅態度。拆聲唔係咩黑膠feel嘅果種warm feel嘢,而係個波形真係損壞咗無得還原, 唔涉及主觀嘅聽感.

nanaholic

WillsonLaw@FB 發表於 2016-10-14 14:18
話說呢⋯實體CD仲貴過hi-res⋯ （Lovelive)
你又會點揀

我買嘅時侯hi－res仲貴d，當時買過solo character collection一隻hi－res全買計過成5千幾yen。唯有揀d嚟買。
但我之前已經講過，你係無可能係購買之前知道邊隻個master係混的靚d，咪焗住唯有全買。。。何況實體有書有歌詞或者DVD／BD呢樣嘢短期內都唔會改變。所以唯有都係全買。

nanaholic

trio_killer 發表於 2016-10-14 16:10
如果個mastering已經拆左聲，高清File果個位照拆聲但其餘好接近mastering，MP3果個位拆得比較少但其餘走曬 ...

我會睇下係咩類型嘅歌。
rock／metal類小拆往往可以接受。慢歌／vocal／jazz類就唔得。衰起上嚟真係兩樣都唔要，冇理由折磨自己聽爛混音。音樂咁多，聽少d又唔會死嘅。

不過如果兩者都真係咁差而且只能揀一種，我最先會攞隻冇咁清同音染比較重嘅耳機先去慮一慮佢 。

JimmyNgai

我明白樓主這個post的重點，係想指出hi-res/無損未必可以帶來好音質。不過我想指出樓主用的例子並不全面而且有根本問題。Clipping係眾多失真其中一種，樓主只舉出clipping並且用"冇clipping比有clipping好"來作為好音質的準則就不夠全面。除了clipping外，dynamic同noise都好影響音質。例如我地在後製可以好簡單把整條track音量調低，視覺上已經可以冇晒clipping，但會損失動態。我可以想像如果有一些錄音，在某些不太重要的位置有clipping(例如超高頻或超低頻段)，但因此可以盡可能保留大動態的話，也不失為一個以好聽為目標的取捨。

如果以同一個master檔案計，CD/hi-res無疑係比有損格式好。如果以不同master檔案(或者remaster)以及不同檔案格式來作比較的話，應該作更為全面的比較才可下定論，例如要比較埋dynamic range以及不同格式所能記錄的頻率範圍(有損格式通常會損失很多高頻訊息)。

Near

新手唔識野 其實咩係mastering?

你舉例既3條track 同一首歌 分別取材於不同地方 會否由此奪致?~

mastering 要令到整張專輯 保持唔太大變動 會導致你以上cap圖既情況

會推高 令到clipping位增加 而single /hi-res file 就因為唔需要考慮 整體性

到底係原生錄音 波形爆peak 定係 mastering果位 搞到咁?

真係新手  求教

littlecx

明明呢幾個例子都係壓縮晒冇晒動態