開頭諗住買YAMAHA A6A, 點知......

norman001

開頭諗住買YAMAHA A6A, 點知原來A6A 的深度有成442mm 咁深, 而地櫃放av amp 的深度只有460mm 深
如果av amp 後面插埋電源線, 喇叭線和hdmi 線, av amp 應該放唔落起個地櫃入面, 因為客廳的空間有限, 如果訂造一個更大的地櫃會令客廳變細, 所以唔想換地櫃

而換左av amp 之後, 就會入埋integrated amp + b&w 704 s2 座地前置+ b&w HTM72 S2 中置

我睇演唱會和聽CD (POP) 多, 鐘意LIVE BAND FEEL, 鼓及敲擊樂器樂, 所以想聽下D 尾音, 高音要出, 低音要打得勁, 分析力要高, 依家有兩個option:

Option 1:
Av amp: Yamaha A2A

Yamaha A2A 有2 CHANNEL PRE-OUT, 可以接INTEGRATED AMP, 但用A2A 去推B&W HTM72 S2 中置和兩隻後置會唔會唔夠力?
同埋A2A 比A6A 低兩級, DSP 粒CHIP 會好唔同, 所以A2A 的分析力會唔會弱過A6A 好多, 聽人好多聲?

Option 2:
AV amp: 馬仔SR 7015

馬仔聽歌好只係指人聲好, 同埋低音好弱, 所以會唔會唔適合我?

本身用緊ONKYO AV AMP, 而之前用過DENON, 所以唔會考慮ONKYO 和DENON

風仔風仔仔

NM0101

聽少咗嘢就一定會, 但就唔會唔夠力推中後置。
如果主打分析力就唔好搵馬仔, 至於要有尾音,高音出,低音勁, 呢d就好睇用乜嘢機去推前置, 要做到呢幾點,起碼都要金仔E480呢d級數。

茶母

A2A我怕你會後悔，始終都係係兩級，反而用馬仔會好啲，起碼級數高好多，又有preout，大不了加後級，

至於話馬仔低音唔夠，我唔覺得會囉，可能係表現方式相對上斯文，但近幾代已經改咗善咗好多，

建議你最好搵地方聽吓demo比較吓

norman001

NM0101 發表於 2022-1-9 14:43
聽少咗嘢就一定會, 但就唔會唔夠力推中後置。
如果主打分析力就唔好搵馬仔, 至於要有尾音,高音出,低音勁,  ...

我本身用陳年的onkyo sr 707, 怕如果轉用yamaha a2a, 會無乜分別

要解決av amp 和地櫃的空間問題，我見taobao 有呢d 灣位廷長線，可以解決av amp 插線後頂無av amp 的問題

請問師兄呢d 廷長線對電源和hdmi signal影響大唔大?

norman001

NM0101 發表於 2022-1-9 14:43
聽少咗嘢就一定會, 但就唔會唔夠力推中後置。
如果主打分析力就唔好搵馬仔, 至於要有尾音,高音出,低音勁,  ...

好耐之前起友誠，當時demo 緊陳奕迅the easy ride 演唱會的愛是懷疑，當時的低音打得好勁，去得快收得快，樂器的高音好出，又唔尖耳，又聽到鑔的尾音，而陳奕迅把聲又好厚，當時的感覺好似起現場聽一樣，印象中友誠好鐘意用yamaha 和pioneer av amp 做demo ，而友誠應該都唔會用一d 好高級的器材, 亦都唔會加power amp 和integrated amp 做demo

多毛肥

norman001 發表於 2022-1-9 22:35
我本身用陳年的onkyo sr 707, 怕如果轉用yamaha a2a, 會無乜分別

要解決av amp 和地櫃的空間問題，我見t ...

ching, Y記傳統係頭三個仔係大媽生，用料比較好又馬拉廠，第四個開始得個名用料差一層，A2A計落數應該係二奶生
有冇諗加塊板響機底？因為所有接線加L插都唔係好辦法，鋪晒響機面都阻散熱

norman001

多毛肥 發表於 2022-1-9 22:58
ching, Y記傳統係頭三個仔係大媽生，用料比較好又馬拉廠，第四個開始得個名用料差一層，A2A計落數應該係 ...

都有諗過A4A, 但深度都係442MM(D)

地櫃放AV AMP 的高度得200MM 左右，所以唔可加板

睇返上一代V6A 和V4A, 深度只有377MM ，唔知點解呢一代D 機咁深

請問YAMAHA 是兩年先一次新機? 定一年出一次? 如果一年出一次，唯有等下一代新機

manlai@G

如果搵到上一代8012新機就抵玩。

n00brx

A2A基本上就同V6A分別不大，買佢不如V6A算數